Impulsa Cine

7 ao 11 de outubro de 2025

Impulsa Cine – Encontro de Redes Galegas e Lusófonas de Cinema

Impulsa Cine – Encontro de Redes Galegas e Lusófonas de Cinema é un proxecto que busca promover a colaboración e o intercambio cultural entre as rexións lusófonas (Portugal, Brasil, Angola, Mozambique, Guinea-Bissau, Cabo Verde, Santo Tomé e Príncipe) e Galicia a través do audiovisual e do emprego das novas tecnoloxías.

O evento desenvolverase durante cinco días de outubro de 2025 no Museo de arte contemporánea MARCO e na Sede da Deputación de Pontevedra en Vigo, consolidándose como un espazo único de encontro, aprendizaxe e creación de oportunidades para profesionais, estudantes e persoas entusiastas do cinema.

O proxecto responde á necesidade de fortalecer os vínculos cinematográficos naturais entre España e o mundo lusófono, promovendo a cooperación, a profesionalización e a internacionalización do sector cultural. Preséntase como unha plataforma innovadora que combina exhibición, formación, debate e networking, sen perder o enfoque na sustentabilidade, na igualdade de xénero e na difusión dixital.

A través de mesas de debate, masterclass y un obradoiro, Impulsa Cine fomenta a creación e difusión de contidos culturais innovadores, garantindo o pleno respecto aos dereitos de propiedade intelectual mediante contratos específicos e formación legal. Deste xeito, posiciona Galicia como un nodo cultural estratéxico no panorama audiovisual internacional.

Profesionais e convidados de diferentes eidos e países do mundo achegaránse a Vigo neste nexo entre as comunidades afíns para sementar o futuro nas relacións audiovisuais lusófonas que deseñarán o audioviaual e as tecnoloxías do futuro.

Impulsa Cine – Encontro de Redes Galegas e Lusófonas de Cinema

Edición 2025

Impulsa Cine 2025: Un espazo de encontro, aprendizaxe e creación de oportunidades para profesionais do audiovisual galego e lusófono.

Descarrega o programa

Masterclass Proxectos Iberoamericanos

Masterclass

7 de outubro

17:30

MARCO – Museo de Arte Contemporáneo de Vigo

A masterclass 'Proxectos Iberoamericanos' ten como obxectivo capacitar profesionais do cinema na xestión e desenvolvemento de producións audiovisuais transnacionais, cun enfoque práctico en como levar a cabo proxectos noutros países da rexión iberoamericana.

Ponente:

Tathiani Sacilotto

Directora da produtora PNG Pictures. Cunha traxectoria destacada na produción de proxectos audiovisuais innovadores, Tathiani achegará a súa experiencia na coordinación de equipos multiculturais e na realización de coproducións entre Portugal, Brasil e outros países.

Durante esta masterclass, as persoas asistentes aprenderán como estruturar proxectos audiovisuais que transcenden fronteiras, desde a planificación inicial ata a distribución. Tathiani Sacilotto compartirá técnicas para identificar socios noutros países, negociar coproducións e aproveitar recursos locais, utilizando exemplos reais do seu traballo en PNG Pictures.

Fronteiras Creativas: Produción Transnacional no Cinema Lusófono e Galego

Mesa de debate

8 de outubro

17:30

Sede da Deputación de Pontevedra en Vigo

Obxectivo:

Explorar estratexias e experiencias para a produción cinematográfica transnacional, destacando como as colaboracións entre as rexións lusófonas e Galicia poden enriquecer o cinema mediante o intercambio de recursos, talento e perspectivas culturais.

Convidados:

PNG Pictures (Portugal)

Tathiani Sacilotto, António Ferreira

Fundada en 1999, Persona Non Grata Pictures produciu máis de 30 filmes en coprodución con países como Brasil, Arxentina, Ecuador, Portugal, España, Francia, Alemaña e Mozambique.

Cine Amadora (Portugal)

Eron Quintiliano

Empresario cultural, curador e xestor musical con máis de 25 anos de experiencia no Brasil e en Europa. Fundador e director do MATE Festival e do Festival Cine Amadora.

ICTMI – Incuba Cultura (Brasil)

Claudio Gimenez

A Incubadora de Innovación Social en Cultura é un proxecto do Concello de Maricá, desenvolvido polo Instituto de Ciencia, Tecnoloxía e Innovación de Maricá (ICTIM).

Modera:

André de Oliveira

Plataformas de streaming e o seu impacto na difusión e produción cinematográfica

Mesa de debate

9 de outubro

11:00

MARCO – Museo de Arte Contemporáneo de Vigo

Obxectivo:

Examinar como as plataformas públicas de streaming revolucionaron a difusión do cinema, transformando os modelos de produción e distribución. A través da análise da súa influencia na visibilidade de novas e novos realizadores, exploraranse as oportunidades e desafíos que estas plataformas ofrecen para democratizar o acceso ao cinema e amplificar voces emerxentes no panorama audiovisual galego e lusófono.

Convidados:

Maricá Filmes (Brasil)

Ana Tendler

Produtora e curadora audiovisual cunha traxectoria marcada pola súa participación en proxectos de cinema, televisión e streaming. Actualmente é responsable de Maricá Filmes, plataforma pública de streaming creada polo Concello de Maricá (Río de Janeiro).

CREA (Galicia)

Xoan Escudero

Licenciado en Historia da Arte, Xoan Escudero inicia a súa traxectoria no ámbito audiovisual a comezos da década de 2000, traballando como técnico de son en múltiples producións. É membro da directiva de CREA (Asociación Galega de Profesionais da Dirección e Realización).

Vigo Film Office (Galicia)

Amaia Mauleón

Licenciada en Xornalismo e especializada en temas culturais e sociais. Desde 2022 é responsable da Vigo Film Office, oficina do Concello de Vigo encargada da xestión e asesoramento das rodaxes na cidade.

Modera:

Juan de Castro

Impulsar a produción: Estratexias para audiencias diversas

Mesa de debate

10 de outubro

11:00

Sede da Deputación de Pontevedra en Vigo

Obxectivo:

Identificar estratexias prácticas para distribuír cinema galego-lusófono globalmente, ampliando o seu alcance a audiencias diversas mediante alianzas, plataformas dixitais e promoción, ao tempo que se preserva a autenticidade cultural.

Convidados:

Baño Films (Galicia)

Milo Baños

Empresa dedicada ao ámbito da cinematografía. Emilio Baños Santos iniciou a súa andaina no mundo da distribución no ano 1953, primeiro baixo o seu propio nome e máis adiante coa marca actual.

Agência da Curta Metragem (Portugal)

Miguel Dias

Director e programador do Festival Internacional de Cinema Curtas Vila do Conde. Dedícase á promoción, vendas e distribución internacional de curtametraxes portuguesas na Agência – Axencia Portuguesa de Curtametraxes.

Proxecta (Galicia)

Àngel Sánchez

É cofundador e director executivo de Play-Doc, Festival Internacional de Cinema de Tui, un evento de referencia que, desde hai máis de dúas décadas, acolleu cineastas de culto e lendas do cinema internacional.

Modera:

Severiano Casalderrey

Escenarios da IA e as súas aplicacións audiovisuais

Masterclass - Obradoiro

11 de outubro

11:00

MARCO – Museo de Arte Contemporáneo de Vigo

A masterclass-obradoiro 'Escenarios da IA e as súas aplicacións audiovisuais' ten como obxectivo presentar o panorama actual e amosar ás persoas participantes o emprego das principais ferramentas de intelixencia artificial (IA) na edición de vídeo e creación de efectos visuais.

Ponente:

Marcos Mosquera

Realizador audiovisual galego con máis de 20 anos de experiencia en animación, motion graphics, VFX e postprodución, é recoñecido polo seu traballo en publicidade, videoclips, documentais e vídeo mapping. Nos últimos anos especializouse en imaxe e vídeo xerativo con intelixencia artificial. A súa colaboración con realizadores en proxectos de publicidade e ficción converteuno nun referente en Galicia nesta disciplina. Actualmente compaxina o seu labor freelance en Mosk Studio www.mosk.tv co seu proxecto máis vinculado á IA www.marcosmosquera.info , ademais de impartir docencia en mestrados sobre vídeo, motion graphics e postprodución, achegando unha perspectiva práctica e académica ao uso das tecnoloxías dixitais no audiovisual.

Esta masterclass introductoria reunirá a persoas interesadas en coñecer o potencial da intelixencia artificial aplicada á creación audiovisual. Ao longo da sesión, presentarase unha visión xeral das principais ferramentas actuais —como Midjourney, Kling ou Nano Banana— e os seus usos na xeración de imaxe e vídeo, así como no desenvolvemento de efectos visuais.Baixo a guía de Marcos Mosquera, as persoas asistentes obterán unha comprensión teórica e panorámica destes recursos, coñecendo os fluxos de traballo que abranguen desde a conceptualización ata a postprodución. Trátase dunha sesión orientada a introducir e contextualizar as posibilidades creativas da IA no proceso audiovisual.

⇧ Volver